Herr Schneckenpfefferhausen

2003-06-12T08:40:00.000-07:00

Vá... Hannibal Lecter er einstaklega svalur, andagift fyrir alla upprennandi skúrka. Þetta einstaka viðmót hans fyllir mig löngunar til að nema meira í sálfræði og leiðslubeitingu. Ég held að sálfræðihernaður sé eitthvað það svalasta sem mannskepnunni hefur dottið í hug. Skilningur á huganum til misbeitingar og hlýðni. Að finna varnarblett, kryfja vörnina niður í hvata sinn og rannsaka orsakir hvatans aðeins til að knésetja einstaklinginn sem er svo auðkrufin er. Þetta er náttúrulega flottasta form ofbeldis sem til er, að geta talað fólk niður. Til þess að standa jafnfætis hannibal lecter veit ég ekki hvort er hægt, það er miserfitt að komast inn í þankagang fólks, sumir eru einfaldir með engar fléttur en aðrir eru einfaldir að upplagi með alherjarflækju utan um, enn aðrir flóknir með fáar leikfléttur. Það að geta fundið vörn/veikleika og ráðist þar á á örfáum mínútum er nærri því ofurmannlegt.

2003-06-12T05:35:00.000-07:00

já fátt sýgur meiri rass í mínu lífi en að vera með hálseymsli. Þegar þetta ástand er viðvarandi er hið kyngimagnaða pepsi bragðlaust, þungt sveitafæði kæfandi og sígarettur og natjós beinlínis óþægilegt. Í guðanna bænum ég á massa af tóbaki og stóran poka af dorítós sem ég hef lítin sem engan áhuga á að snerta, mér finnst ég ekki vera ég lengur.... Sjálf mitt er fallið fyrir óvættum bragðleysis og líkamsholsþrenginga, og það er ekki sála við lýði sem getur bætt mér þær vítiskvalir að missa áhugan á nautnum míns daglega amsturs. Ef þessi plága myndi líka hafa afgerandi áhrif á hæfileika minn til að horfa á tvin píks þá myndi ég skjkóta mig með fallbyssu í hálsin.

Hvaða fífl ákvað að það væri fýsilegt að hafa einhverjar helvítis örverur á sveimi í vistkerfi okkar. Ég meina skordýr eru mjög pirrandi en þau hafa þó þann kost að þau eru mjög auðkremjanleg, nokkuð sem örverur bersýnilega skortir. Ég verandi af ættflokki prímata hef þokkalega líkamsstærð í samanburði við meirihluta dýraríkisins og get þar af leiðandi sýnt náttúrujafnvægi í miklu offorsi ef til deilna kemur milli mín og húsflugu. En erjur mínar við þessi smákvikendi eru ekki jafn einfalt mál því sjón mín er vantandi og fyllir takmörkuð líkamsstörð þessara dýra ekki nema brotabrot af ljósinntaki hornhimnu minnar. En jafnvel þótt tilvist þessara óvætta væri mér ljós með hinu tvívíða ljóstúlkunarskilningarviti er við höfum nefnt sjón þá mýndi það gagna lítið því að ég hef enga limi til að merja þessi ógeð þar sem fingur mínir og yfirborð allslíkama míns hefur rákir og op sem þessir afglapar náttúruinnar geta notfært sér til að forðast þann mergfalda styrk sem ég hef fram´yfir þá. Það að ég sem æðri stétt fæðukeðjunar þurfa að lifa í þvílíkri forsmán er órökrétt. Ef eitthvað æðra máttarafl er til staðar þá heimta ég nú formlega aðgerðir í átt að rökréttum jöfnuði innan vistkerfisins ellegar ritaða útskýringu á þessu vanréttlæti.

2003-06-11T12:40:00.000-07:00

Ég er að reyna að skapa lista yfir bestu persónusköpun sem sést hefur, núverandi ástand er:
1. Albert Rosenfeld FBI (twin peaks)
2. Dale Cooper FBI (twin peaks)
3. Log lady (twin peaks)
4. Dr. Hannibal Lecter (silence of the lambs)
5. "jack" (fight club)
6. Audrey Horn (twin peaks)
7. Major Garland Briggs (twin peaks)
8. Rincewind (discworld)
9. Gandalf (lord of the rings)
10. Martin Blank (grosse point blank)

Eins og klárlega sést á þessum lista eru allir þeir er ekki hafa kynnt sér twin peaks að fara hrottalega á mis við eitt helsta listaverk mannkynssögu. Allar þessar persónur eru margbreytilegar og sameina alla þætti sem þarf til að skapa trúverðuglega persónu. Þær innihalda fjölbreytilegt skopskyn, lífssýn og skapgerð ásamt góðri forsögu og mannlegum og úthugsuðum sálrænum einkennum. Þetta er bara hrein list.

2003-06-10T07:27:00.000-07:00

Já ég er veik.... Ég er ekki hress með þetta ástand. Mér finnst eins og ég sé á fínu hóteli, sem lítur út eins og heimilið mitt, þar sem ég borga 6000kell daginn. Það er algjörlega eitt að vera veikur á skólatíma, annað að veikjast á vinnu tíma.
Ég fór með valla og agl að veiða núna á sunnudaginn. Ég var orðinn mjög pirruð því þeir voru báðir búnir að veiða eitthvað( sem ég snéri reyndar úr hálslið, það var mikið stuð), en ég hafði bara fengið nart. Drengirnir í samviskuleysi sínu neyddu mig til að hætta, þeir þoldu ekki útivistinna og höfðu langannir til að svipta mig þeirri ltlu virðingu sem ég átti eftir. Mér tókst með hatrömmum deilum að fá að kasta einu sinni enn út, síðan lét ég Agl halda meðan ég fikraði mig úr klofstígvélunum (stígvél: Stepping machine: Wandernapparat) og viti menn það næsta sem ég heyri er; ...uhhh....vó, Hjölli hann er að narta... Ég stökk til, rotaði Egil, dró innn og fékk einn ömurlegasta fisk sem ég hef veitt, en eins og valli benti á þá var þetta fyrsta veiði sumars og ég varð að slíta af honum hausinn... Þetta var verulega gaman, það er algjör snilld að veiða!!

2003-06-04T12:16:00.000-07:00

já ég ætla að gera lista yfir atburði sem hafa gerst í fjarvist minni:

Snilld er:
-fiskerí
-vöðlur
-baðsloppar
-sandalar
-kleinuhringir(íslenskt já takk)
-að vera einn heima
-launin mín

Vansnilld er:
-stressaðir harðlínuyfirmenn
-yfirmannasleikjandi yfirmenn
-nöldrandi yfirmannahatandi samstarfsmenn sem vinna ekki
-síamstvíburinn á ristinni á mér
-röfl og vitleysa

2003-05-29T14:06:00.000-07:00

Hefur einhvar pælt í því hvað stjörnuspá er ótrúlega vinsælt fyrirbæri... þetta er rugl. Þetta er svona vitleysinga dulspeki, alttaf sama helvítis tuggan, "þú munt finna ást á næstu grösum, varastu að vera of sjálfstæður". Sko þegar stjörnuspádómsfólk mun geta sagt mér til um hvenær ég kem til með að sturta sdimmepi yfir peysuna mína næst þá verð ég sáttur, en svo lengi sem þetta pakk heldur áfram að segja bara jákvæða hluti í engum tímaramma þá mun ég halda mig við áform mín um að sinnepsgasa ráðstefnur hjá þeim. Helvítis aftuhaldsþróun, fók á bara svo erfitt með að gera kenningar aum hluti sem skipta máli að þau svala forvitninni með því að trúa á þvaður sem er hæfilega óljóst svo það er ekki hægt að afsanna það.
HEIMINUM ER STJÓRNAÐ AF GRÆNMETISÆTUM OG ÖÐRUM HÆFILEGA HEIMSKUM AFGLÖPUM!!

2003-05-28T15:30:00.000-07:00

Jæja börnin góð ég er kominn með svarið!!

Tilgangur lífsins er.... ÍSSKÁPUR!!
Sá sem stjórnar ískápnum fer með völdin, náttúrulögmálið uppá sitt besta. Þegar nöfn okkar verða föst á stafrænum skinnhandritum, fleginn af margfölduðum stafræna kálfinum úr.... einhverjum tölvuleik... uhhh já þá mun fólk framtíðarinnar (sem kemur til með að tala útlensku með íslenskri stafsetningu það tel ég nokkuð ljóst) segja: Mæ forfaðer vas Hjörleifur þe Svetlog, and his vas þe greitest refritjíator of þem all, hí bíkeim a bíkon on tú oðers....
Ég er byrjaður að skipuleggja, ískápurinn verður 234metrar og 3000000000000000000tonn, hann mun bæði geta stöðvað hreyfingu allra sameinda á yfirborði jarðar og/eða haldið öllum TAB svaladrykkjum hæfilega svölum, allt eftir stillingu. og ef hættu steðjar að mun hann skjótast á sporbraut og senda stafrænt útmiðaðar, frosnar agúrkur í höfuðið á öllum sem mér er illa við... MÚhÚhahahahaha!!
Hann mun einnig hafa alvald á hugvídd allra ískápa (fjóvídd tilvistarstig ískápameðvitundar þar sem allir ísskápar hittast og ræða málin, verður sannað fyrir lok sept 2009) og vera þar með leiðtogi allra ísskápa og skyldra ættliða( frystikistur, kælibox o.s.frv.)
HRÆÐIST dauðlegu maurar, ÉG mun brátt taka völdin í heimi kælitækja!!

2003-05-28T13:08:00.000-07:00

ÉG held að minidiskspilarinn minn fari að gefa upp öndina bráðlega, ef svo fer þá mun ég veita þessum gamalreynda lífsförunauti mínum veglega útför. Þessi spilari hefur séð meira hnjask í gegnum sína tíð en flestar mannverur eru nógu heppnar til að kynnast. Hann hefur dottið úr meira en tveggja metra hæð, ég missti einusinni 20kg lóðadisk á hann og nú loksins eftir tvær vikur í vasa mínum meðan ég stunda háþrýstiþvott á steypumótum( DOKA, die schlalungstekniker) er þessi víðförli skemmtikraftur farinn að láta skringilega... jæja ætli ég verði ekki að hekla til að stytta mér stundir, þetta er nú ekki heimsendir...eða hvað? daadaadaaaaaa

Í dag vann ég eins og berserkur. Hvers vegna myndi ég segja svona? Hvað er berserkur? jú ég fór að hugsa um þetta og flestir líta svo á að berserkur sé klikkaður gæi frá víkingatímanum. Þetta er rangt. Það að verða óður í bardaga er ekki að vera berserkur, það er til annað orð yfir það: Hamrimmur. Þegar einhver verður hamrimmur verður sá aðili svo viti sínu fjær að hann fær margfaldan styrk og berst eins og villidýr. Hann skiptir um ham í atferli og styrk(rammleika, stundum rimmur í samsetum orðum). Berserkir voru stríðsmenn sem voru svo einbeitir að eigi beit á þá járn. Ef maður var svo fær að berjast að það sýndist að ekkert járn komst að manni og/eða maður gat barist þegar flestir væru fallnir af sárum sínum þá var maður berserkur. Ber-serkur: nakinn-brynja; sá sem þarf ekki brynju.
Við á þessu skeri hér í útnára veraldar erum búinn að láta dáleiða okkur af óupplýstum kvikmyndagerðamönnum sem berja það í okkur að allir klikkuðu barbarannir væru berserkir. Við træuum útlenskum útskýringum fram yfir eigin mál... þetta er rugl.
Þetta gæti náttúrulega líka stafað af því að hamrimmur er eitt óþjálastaorð í íslenskri tungu...... Farið í rassgat!!

2003-05-26T12:32:00.000-07:00

Uppskrift að vafasamri geðheilsu:

Sofið í tvo tíma og rankið við ykkur í vinnunni (án þess að vera nákvæmlega viss hvernig þið komust þangað).látið pressuna byrja hægt og hlustið á óld skúl drumnbass fyrri hluta dags. Lesið fornsögur í hádegishlé og takið smá nostalgíu flip. Gerist hamrimm af einskærri vinnugeðveilu eftir hádegishlé og hugleiðið siðferðisleg málefni meðan þið hlustið á rammstein... meðan ég man mannvera sækir vald fyrir tilstuðlan frelsis á einstaklingsbundnum markmiðum sem túlka gildi og skapgerð einstaklings.... uhhh já vinnið þar til þið vitið EKKI RASSGAT!!!

Vá ég vann svo mikið að Sveinn þrónd (sem er eins og mössuð dyravarða útgáfa af Jóa Palla) hrósaði mér ákaft fyrir lúsiðni, +dagsins. Ég komst að þeirri niðurstöðu að svenni gamli minnir mig á milton úr ofis speis. HÍ KUD SETT ÞE BILDING ON FÆER!!! Magnað, bara einfaldlega magnað. Ég var klukkan hálf-sex að staðartíma merkileg mannvera,af öllum á þessari plánettu var ÉG sveittasti gæinn að borða sveittustu lokuna( í grunnatriðum hálfmyglað brauð af ýmsum stærðum og gerðum, sætt sinnep, hamborgarasósa, beikon, beikon, beikon og ostur, klappið látið dúsa í örbylgju mikróapparat í samtals 756mín, sem ég held að hafi verið einhvertíman í síðustu viku svo ég drakk bara góssið). Ég þjáist í aðalatriðum að einbeitingaskort í öjebliket svo ég kenni bara fasistum um. Það er magnað hvernig maður getur klínt öllu á einhverja þætti sem herja að skliningavitum manns. mín kenning snýst í aðalatriðum um að kúgaðir apar nota kókaín og ÉG ER EKKI AÐ LJÚGA, ÞETTA ER HEILAGUR SANNLEIKIURENLSNF!3!4 ú það gæti verið talnafræðilegt mynstur í þessu sem mun sýna mér hinn heilaga sannleik... hmmm ég kunni að hjugsa um nýskorna ávexti í denn tíð en það er mér gleymt núna ogg...... ójá ekki fokka í mér!! ég skaut ömmu mína í hnéð með basúkku vegna þess að hún lét remúlaði á slátrið mitt, ég er stórhættuleg!!!

2003-05-25T07:16:00.000-07:00

Ég fór að hugsa hvort það væri ekki sniðugt að eiga óvin. Ég held að meður gæti alveg átt í jafngóðu sambandi við einhvern á grundvelli gagnkvæms haturs. Maður yrði í raun að finna sér einhvern sem er mjög svipaður manni á allan máta en ósammála um allt, svo að maður geti rifist um allt. ÉG held að ef maður ætti óvin myndi maður vera einbeittari í öllu sem maður tekur sér fyrir hendur, lífið yrði eilífðar ádeila. Maður yrðði alltaf að skoða í sokka og skó eftir hættulegum skordýrum áður en maður færi í þetta, svo yrði maður að mæla sykurmagnið í bensíntankinum áður en maður kveikti á bílnum, láta vini og vandamenn bragða á matnum fyrir mann, láta samstarfsmenn opna allar póstsendingar fyrir mann, kaupa 156 ísbirni til að vernda heimilið og svo mæti lengi telja... Já ég held að þetta væri einstaklega áhugavert líferni.

2003-05-24T07:45:00.000-07:00

OOOhhhhhhh..... Bandríkjamenn eru algjörir snillingar, þeir vita svo algjörlega hvað er í gangi. Í alvöru það er ekkert í þessu landi sem er ekki hannað með tilliti til nöldurseggja og gagnrýnenda. Hvergi nema í Bandaríkjunum er hægt að finna tuttugu og e-ð há stafrænt-fjarstýrða eld flaug sem getur flogið hringinn í kringum hnöttinn, sérstaklega hönnuð til að þola að það sé skotið á hana með smáflaugum og hefur að geyma tíu, ekki tvo, ekki fjóra heldur TÍU MJÖG öfluga kjarnaodda. Og hvað heirir þetta skrímsli spyrjið þið... Snillingarnir skýrðu ÞETTA: "Peacekeeper"

Hvað er skilgreining Bandaríkjanna á friði? Hvernig getur þetta vopn verið notað í nafni friðar? Ég held að þetta sé svona hugsað til að eyða ófriði. Semsagt ef einhverjir reiðir gæjar úr Trottabæjúlú-ættbálknum í sómalíu fara að kaupa sér gamalt sovéskt drasl og stofna til ófriðar, þá mætir CNN og sendir bandaríkjamönnum myndir af hrottaverkum og stríðsglæpum beint heim í stofu. "Aumingja fólkið, það er verið að brjóta illilega á mannréttindum þeirra" hugsa hinir góðhjörtuðu bandaríkjamenn; "Hvernig getum við bjargað þeim?" Svarið er augljóst: Hin mikla og réttláta stjórn þessa hugulsama fólks tekur það til bragða að aumka sér yfir íbúum Somalíu og stöðva þennan ófrið. Þeir eru kannski ekkert að ljúga með nafnið, þeir senda tvö, þrjú svona skeyti og viti menn, Það er enginn ófriður í Sommalíu, því það er enginn Sommalía til að hafa ófrið í!

2003-05-24T07:22:00.000-07:00

virkar sját át gæinn?

2003-05-23T19:17:00.000-07:00

ég var rétt í þessu að rífast í Agli varðandi spænskunám mitt... djöfull er ég feginn að þessari tungutaksmartröð er lokið. Ég hef beðið í kvíða eftir misrætti og hneisum af hálfu dana, frakka, ítala og allra þjóða kvikindum(nema auðvitað spánverjum) í spænskuferli mínum og nú er ég loksins frjáls!! frjáls til þess að kanna lystisemdir hins óspænskumælandi heims. Ég þarf ekki lengur að snæða eingöngu steik með ljótum steiktum paprikkum eða rækju-paellur... Ég get gætt mér á kartöflusalati og bíff strogganov óhræddur við að það komi til með að valda misferli í hinu stranga og miskunarlausa spænskunámi er ég svo óðslega henti mér út í...

Ég fór nefnilega að hugsa þegar ég kláraði SPÆ300 að það er fátt á Spáni sem ég kem til með að hagnast af. Hvað nám varðar kemur bara Norður-Evrópa til greina. Það eina sem ég hef mögulega, hugsanlega áhuga á að læra og er kennt á spáni og spánverjar eru mjög framarlega í er kolateikning, en þar sem ég kem ekki til með að byggja starfsferil minn á því skiptir það engu máli. Ég fíla ekki tango og mér finnst nautabanar vera aular. HVURN RÆKKALLINN ER ÉG AÐ VILJA UPP Á DEKK Í ÞESSUM BRANSA, ég hef augljóslega þjáðst af manísku þunglyndi með yfirtónum af alvarlegum athyglisbrest þegar ég skráði mig í þessi ósköp. Það er ekki einu sinni neinn atburður, einstaklingur eða hugsjón sem mér kemur til hugar hvað varðar Spán. Eini algjöri snillingurinn var Dalí og ég veit þegar slatta um hann...... Ég er algjör asni, auðvitað átti ÉG að læra þýsku.

2003-05-23T19:03:00.000-07:00

djöfull er þetta kúl og hipp og æði jó

2003-05-23T13:06:00.000-07:00

jáhá þetta er ansi sniðugt...